丁蟹 “人善人欺 天不欺”

剛剛和Stephen同兩個graphic designer 落摟下台灣舖食晏 ， 前後左右都講股市跌到15,000點 ; 五千憶、七千憶等救市數字、措施。金融爆煲，等美國總统大選結果、十二月傳统放假心情，所以嚟近三個月沒有太大改變。睇下仲有冇大煲爆，跟住就是經濟骨牌效應，裁員潮要到明年初一、二月才反映到。

今天早上Royce msn我，問我股場有冇損手。 蹤橫股場差不多十年，心得就是股場如賭場，最緊要搵個「黑仔」對賭；又或者搵個紅光滿面、買親都贏，跟佢搵食。唔好話好似做戲，原來現實生活中真係有咁人辦可以畀你跟住賭。呢個時候最好攞返「大時代」出嚟睇，都有些少領悟! 炒股與賭同一道理，大牛市時， 好多散戶都識得跟紅頂白，聽四叔講買當炒股，好多人都贏到笑。不過，睇踏入熊市，有幾多散戶將之前牛市贏錢輸番落去，就知要贏錢最緊要識見好即收。其實，唔識見好就收，只因一個「貪」字。除了睇上市公司的業績，也要研究股價既走勢、statistics and probability。就好像玩「大細 」或「幸運輪 」，幸運輪上面分開好多瓣 ， 差唔多隔一瓣就係「 1 」號，其次係隔7、8瓣就見一個「3」，「7」號瓣數又少。賠率係開「1」號就1賠1，開「3」就1賠 3，開「7」就1賠7。由 於注碼低，好多人揀「7」，諗住以小博大，反而冇人買「1」。反而想博 1 賠 3 或 7甚至賠更多，得10分 3機會，贏都補唔番輸，呢咪係貪字得個貧！同一個道理點解那麼多人買中資股，亦因為而家除了金融股，跌得最大就係中資股。並不是業績問題，而是賭枱氣氛效應。